Neste período de incerteza, debemos pensar como encarar o futuro e xerar riqueza local.

O Orzamento de 2021 e a incorporación dos remanentes do orzamento de 2020 permitirán xerar unha importante cantidade de postos de traballo. Uns 2.000, aproximadamente. E, ao tempo, a cidade terá uns novos equipamentos culturais e deportivos, melloras de reurbanización e dotación de novos servizos.

Asemade o gasto público vai permitirnos afrontar os retos que impón a loita contra o cambio climático: reciclar os residuos sólidos, compostar, reutilizar, tamén xera postos de traballo e mobiliza un grande capital técnico e científico que nos vai situar na vangarda mundial.

Por iso presentamos un plan de investimentos públicos co obxectivo de mellorar as condicións de vida dos veciños e veciñas.